“Live Mentors” komandasının missiyası stomatologiyanın inkişafı üçün konfrans və seminarların təşkili və əldə edilən gəlirlərin xeyriyyə məqsədi üçün xərclənməsi ilə həyat xilas etməkdir. Bunun üçün də ölkə və dünya səviyyəsində tanınmış ən məşhur diş həkim və texniklərinin seminar və təlimlərini təşkil edirik. Məruzəçilərin könüllü iştirakı, təmmənnasız texniki dəstək verən şirkətin olması və digər sponsorlar sayəsində konfrans xərclərinin minimum olması bizə xeyriyyə məqsədli daha böyük gəlir əldə etmək imkanı yaradır. Konfransa qoşulmaqla həm ən yaxşı spikerləri dinləmiş olacaq, həm də bir həyat xilas etmiş olacaqsınız. Gəlin birlikdə həyat xilas edək!